أسئلة

أنا مغربي تزاديت و ساكن فالخارج، واش يمكن ليا نصوت؟ شنو خاصني ندير؟

إلى كنت مغربي تزاديتي فالخارج، فيمكن ليك تقيد فاللوائح الانتخابية العامة، من الدولة للي نتا ساكن فيها. خصك تقدم طلب التقياد عند السفارة أو القنصلية المغربية التابع ليها محل الإقامة ديالك. و يمكن ليك تقيد فالجماعة أو المقاطعة من الاختيار ديالكم، على حسب:

- الجماعة أو المقاطعة للي عندكم فيها أملاك أو نشاط مهني أو تجاري.

-الجماعة أو المقاطعة للي مقيد فيها احد الوالدين، أو الزوج أو الزوجة.

-الجماعة أو المقاطعة للي كي توفر فيها أحد الوالدين أو الزوج أو الزوجة على إقامة.

- الجماعة أو المقاطعة للي تزاد فيها أب أو جد المعني بالأمر.

-إدا تزاديتي فالخارج و ساكن تما، و تصادف الوجود ديالك فالمغرب مع وضع طلبات التسجيل فاللوائح الانتخابية، يمكن ليك تسجل فأي جماعة من الجماعة للي دكرنا، على حسب الاختيار ديالك.

كيفاش نتأكد أني مسجل فاللوائح الانتخابية؟

يمكن ليك تمشي للمقاطعة للي تابع ليها، و تسول فالمكاتب المختصة، أو يمكن ليك ترسل sms، للرقم 2727 تكتب فيه رقم ديال لاكارط ناسيونال ديالك، وغادي توصل بالجواب فالحين.

شكون خاصو ينقل التسجيل ديالو؟

أي واحد غادر الجماعة للي كان مقيد فيها و نتاقل للجماعة جديدة.

أنا مغربي، تزاديت فالمغرب، و لكن ساكن فالخارج، واش عندي الحق نصوت؟ شنو خاصني ندير؟

إلى كنت مغربي، تزاديتي فالمغرب، و ساكن فالخارج، فيمكن ليك تقيد فاللوائح الانتخابية العامة، من الدولة للي نتا ساكن فيها. خصك تقدم طلب التقياد عند السفارة أو القنصلية المغربية التابع ليها محل الإقامة ديالك. و يمكن ليك تقيد فالجماعة أو المقاطعة من الاختيار ديالك، على حسب: - الجماعة أو المقاطعة للي تزاديتي فيها. - الجماعة للي تزاد فيها الأب أو الجد. - الجماعة أو المقاطعة للي عندك فيها أملاك أو نشاط تجاري أو مهني.

واش عندي الحق نصوت فالانتخابات الجماعية؟

المواطنين و المواطنات للي وصلو لسن الرشد، و عندهم الأهلية الانتخابية، و ما مسجلينش فاللوائح الانتخابية العامة. -المغاربة الشباب، الذكور و الإناث، للي غادي يوصلو 18 عام في التاريخ المحدد لحصر اللوائح الانتخابية، أي فـ 31 مارس من كل سنة، -كل المغاربة، ذكور و إناث، للي كي عندهم الأهلية الانتخابية، و مازال ما تسجلو فاللوائح الانتخابية. -كل المغاربة ذكور و إناث للي تزادو فالمغرب و المقيمين فالخارج و عندهم 18 عام و ما فوق.